Sajjad Jarnda Aey Lyrics
جس دم یتیمی آوے پیو مار دتٌا جاوے
زنجیراں سینے لاون تے طوق غم ونڈاوے
کیویں کنڈ تو خوں بہا کے دوے پرسہ تازیانہ
رسی گلے دی سفراں وچ روز سُکدی جاوے
گردن دا حصہ بن کے گردن چ وسدی جاوے
چھوٹی بہن دی میت رسی وچوں چھڑانا
او شام والے رستے اونٹاں توں بال ڈگدے
پتھریلے رستیاں تے معصوماں دے جنازے
اونٹاں دا پیراں دے نل قبراں بناندے جانا
بازاراں وچ جے لوکی ایویں پتھر وساون
اکبرؑ جئے بھرا دا نیزے توں سر ڈگاون
اکبرؑ دی ماں دا آ کے مٹیاں توں سر اٹھانا
غیرت منداں تے یارب ایسا نہ وقت آے
دنیا حیا دی پلیاں نوں شام لے نہ جاے
سر ننگے بیبیاں تے ہنسدا اے کنج زمانہ
بے وس بشر نوں اکبرؔ جدوں شام یاد آئے
زنجیر نال اپنے حصے دا خوں بہائے
ہائے شام شام کہہ کے اکھیاں چوں رت بہانا
جنھیں ویر دے جگر تے برچھی چلائی ہووے
مختار کولوں بچدا دا بوہے تے آ کھلوے
مہمان من کے قاتل نوں روٹیاں کھوانا
