Noor e Nazar ki Lash Lyrics
Haye Ghareeb E Zehra
Ek Shakhs Ka Jawan Pisar Qatal Hogaya
Har Baap Ki Tarah Say Woh Sadma Na Seh Saka
Rotay Huye Hussain Ky Rozay Ka Rukh Kiya
Kehnay Laga Keh Mujh Mein Nahi Itna Hosla
Maula Batayen Farz Nibhatay Hain Kis Tarah
Noor E Nazar Ki Lash Uthatay Hain Kis Tarah
Noor E Nazar Ki Laash Uthatay Hain Kis Tarah
Ankhon Ka Jo Ujala Tha Woh Laal Mar Gaya
Naazon Say Jis Ko Pala Tha Woh Laal Mar Gaya
Atthara Saal Wala Tha Woh Laal Mar Gaya
Mamta Ka Jo Hawala Tha Woh Laal Mar Gaya
Maan Ko Yeh Khabar Yeh Ja K Sunatay Hain Kis Tarah
Noor E Nazar Ki Lash Uthatay Hain Kis Tarah
Maula Batayen Farz Nibhatay Hain Kis Tarah
Noor E Nazar Ki Laash Uthatay Hain Kis Tarah
Betay Ki Lash Dekh Ky Khud Lash Ban Gaya
Beta Jawan Mar Gaya Zinda Rahun Main Kya
Yeh Aap Ka Jigar Hai Jo Sadman Yeh Seh Gaya
Yani Jawan Betay Ka Lasha Utha Liya
Hathon Py Apna Lasha Uthatay Hain Kis Tarah
Noor E Nazar Ki Laash Uthatay Hain Kis Tarah
Laya Koi Hai Ghusl Ko Laya Kafan Koi
Betay Ki Lash Mujh Ko Salamat Hi Mil Gai
Tooti Hui Jigar Mein Nahi Naizay Ki Ani
Ghorhon Ky Dorhny Sy To Pamal Na Hui
Ankhon Say Khoon Dill Ka Bahatay Hain Kis Tarah
Noor E Nazar Ki Lash Uthatay Hain Kis Tarah
Maula Batayen Farz Nibhatay Hain Kis Tarah
Noor E Nazar Ki Lash Uthatay Hain Kis Tarah
Seh Roz Ka To Pyasa Nahi Tha Mera Pisar
Barchi Ky Phal Sy Tukrhy Nahi Laal Ka Jigar
Akbar To Bhooka Pyasa Tarhapta Tha Khak Par
Seenay Say Apnay Laal Ky Barchi Nikaal Kar
Shukr E Khuda Ko Honton Py Latay Hain Kis Tarah
Noor E Nazar Ki Lash Uthatay Hain Kis Tarah
Woh Waqt Keh Jo Farz Nibhanay Ka Waqt Ho
Woh Laal Jis Ko Dulha Bananay Ka Waqt Ho
Hathon Py Jis Ky Mehndi Laganay Ka Waqt Ho
Woh Jis Ky Sar Py Sehra Sajanay Ka Waqt Ho
Mayyat Py Us Ki Phool Sajatay Hain Kis Tarah
Noor E Nazar Ki Lash Uthatay Hain Kis Tarah
Maula Batayen Farz Nibhatay Hain Kis Tarah
Noor E Nazar Ki Lash Uthatay Hain Kis Tarah
Akbar Ka Pursadaar Tha Ham Sar To Nahi Tha
Betay Say Maula Aap Kay Barh Kar To Nahi Tha
Yousuf Misaal Husn Ka Paikar To Nahi Tha
Beta Mera Haseen Tha Akbar To Nahi Tha
Ehsas E Zabt Itna Dikhatay Hain Kis Tarah
Noor E Nazar Ki Lash Uthatay Hain Kis Tarah
Maula Batayen Farz Nibhatay Hain Kis Tarah
Noor E Nazar Ki Lash Uthatay Hain Kis Tarah
Salman Azmi Yehi Raawi Ny Hai Likha
Mayyat Pisar Ki Apny Nahi Woh Utha Saka
Betay Ky Munh Py Munh Ko Rakha Aur Mar Gaya
Tareekh Ny Yeh Waqiya Mehfooz Kar Liya
Mairaj Karbala Ki Batatay Hain Kis Tarah
Noor E Nazar Ki Lash Uthatay Hain Kis Tarah
Haye Ghareeb E Zehra Haye Ghareeb E Zehra
