Main Hoon Abbas Lyrics
Aye shamiyo
Aye kufiyo
Aye shamiyo
Aye kufiyo
Haider ka pisar, sher e babar
zinda jigar hu
be tegh hu, maidaan mein
par seena sipar hu
Tum sab ki qaza hu, Zahra ki dua hu
saqaa e sakina…
Main Hoon abbas mujhe shere jari kehte hai..(2)
Main Hoon abbas.. Main Hoon abbas
Main Hoon abbas mujhe shere jari kehte hai..(2)
Dast e haider ka tarasheeda nagina Main Hoon
mahfil o sabr o shuja’at ka qareena Main Hoon
rooh ko naaz hai jis par woh safeena Main Hoon
han mujhe fakhr hai saqqa e sakina Main Hoon
marziye rab ke khareedar ka ehsaas hu mai
mujh ko pehchan lo abbas hu abbas hu mai
Main Hoon abbas.. Main Hoon abbas
Main Hoon abbas mujhe shere jari kehte hai..(2)
Ghaiz mein aau to darya ko ulat sakta hu
alqama khud mai tujhe paani pila sakta hu
murda ummeedo’n ko thokar se jela sakta hu
nehr ko kaat ke khaimo se mila sakta hu
hukme aaqa ka mai paband hu majboor nahi
aur agar chaahu to kausar bhi bohot door nahi
Main Hoon abbas.. Main Hoon abbas
Main Hoon abbas mujhe shere jari kehte hai..(2)
Parcham e ja’far e tayyar uthaya maine
haq parasto ko diya dhoop mein saaya maine
han wafa ko bhi wafadaar banaya maine
junge siffeen mein woh haath dikhaya maine
sab ke hoto’n pe tha…
sab ke hoto’n pe tha waliyo ke wali aate hai
bhaagne wale samajhte the ali aate hai
Main Hoon abbas.. Main Hoon abbas
Main Hoon abbas mujhe shere jari kehte hai..(2)
Laaye ho tegh e tabar kis ko darane ke liye
ye khilone to hai asghar ko hasane ke liye
kya yaha aaye ho be waqt hi jaane ke liye
koi tarkeeb karo jaan bachane ke liye
Haideri shaan se lunga jo abhi angdayee
tum ye kehte hue bhagoge qayamat aayi
Main Hoon abbas.. Main Hoon abbas
Main Hoon abbas mujhe shere jari kehte hai..(2)
Lafze ehsaas ka ifham e mua’ni Main Hoon
shere darya e tabee’at ki rawani Main Hoon
faatahe khaibar o khandaq ki jawani Main Hoon
jo kabhi khatm na ho aisi kahani Main Hoon
har jagah parchame…
har jagah parcham e saqqa e haram uth ta hai
mera laasha nahi uth ta to alam uth ta hai
Main Hoon abbas.. Main Hoon abbas
Main Hoon abbas mujhe shere jari kehte hai..(2)
Main Hoon abbas.. Main Hoon abbas
Main Hoon abbas mujhe shere jari kehte hai..(2)
Haider ka pisar, sher e babar
zinda jigar hu
be tegh hu, maidaan mein
par seena sipar hu
Tum sab ki qaza hu, Zahra ki dua hu
saqaa e sakina…
